حكايتى معاها؟

حكايتى معاها !!!
السلام عليكم ورحمه الله وبركاته
دى حاجه انا كتبتها ممكن تفيد فى الحمله
حكايتى معاها !!!

لما تكون مخنوق مش طايق نفسك
عايز الوقت يفوت عايز تجرى تزعق
وفى أخر اليوم تتمنى الموت يمكن تستريح
لما تشوف الدنيا ضلمه وتحس انك لوحدك
وتشوف الناس وكل الدنيا كلها بتحتقرك
تجرى عليها بسرعه وتاخد منها براحتك
تنسى الناس وكل الدنيا تنسى حتى نفسك
المخدرات نادهتلى عيشتنى حلم جميل
وان الدنيا باللي فيها أنا مالكها وانا كبير
كل اللى عايزه بتدهولى
هى امى وهى ابويا هى صاحبى وحتى اخويا
كانت البدايه من سيجاره
قد أيه ريحتنى عيشتنى وطلعتنى فوق السما وسبتنى
هي دى كانت البداية بس لسه النهاية
بعد خلاص مازلتنى وكل مابعد بتجبنى
أديتها فلوس وأديتها صحة
سرقت وبعت خنت وضعت
حتى اهلى عنهم بعدت
دمرتنى وسابتنى
بعقل ضايع إنسان فاشل ماعتش نافع
بعيد عن اى حاجه ومش فاهم حتى حاجه
وهى دى كانت رسالتها
وفى لحظه قررت اسيبها
بس كنت محتاج طريق محتاج حد يمد أيد
واتعالجت ورجعت تانى إنسان جديد
المهم انك تقاوم انا غلطت ونادم وعارف
كان لازم اصلح كل حاجه وارجع لربى
ارجع لاهلى
ارجع لبلدي ومهما كان فيها
هاحاول
للنهاية
مش هاستسلم من البداية
أنا خلاص فهمتها وعرفتها
وعمرى ما هارجع تانى ليها
واكيد فى يوم هاقضى عليها.

كلام جميل جدا يا هادي والله يعطيك العافية

الله يعافيك و شكرا لمرورك الرائع ..

مقطوعة رائعة
تنم عن ذوق رفيع وموهبة كامنة